გლობალური დათბობა

გლობალური დათბობა მსოფლიო პრობლემაა, ბანგალორში გამოშვებული ნახშირორჟანგისა და სხვა სასათბურე აირების გამონაბოლქვი ისეთივე პრობლემას წარმოადგენს მსოფლიოსთვის როგორც ბრიტანეთის ბირმიnგემში თუ ალაბამის ბირმინგემში.. ჩვენ ძალ-ღონე არ უნდა დავიშუროთ რომ ისეთი განვითარებადი ეკონომიკის მქონე ქვეყნებს, როგორიცაა ინდოეთი და ჩინეთი დავეხმაროთ: ამ პრობლემას სწორი მიმართულებით ებრძოლონ.
�გლობალური დათბობა მსოფლიოს უდიდესი რისკის ქვეშ აყენებს�
ბრიტანეთის პრემიერ- მინისტრმა ტონი ბლერმა ლონდონში მსოფლიო ბანკის ყოფილი წამყვანი ეკონომისტის ნიქოლას სტერნის მიერ გამოქვეყნებული ნაშრომის პრეზენტაციაზე გააკეთა განცხადება: �გლობალური დათბობა მსოფლიოს
უდიდესი რისკის ქვეშ აყენებს, რომელიც მსოფლიო ომებს და დიდ დეპრესიას უტოლდება�.
700 გვერდიან ნაშრომში ნათქვამია რომ მსოფლიოს ეკონომიკას კლიმატური ცვლილებების გამო დიდი ზარალი მიადგება, რომელიც შესაძლოა მსოფლიოს წლიური ერთობლივი შინაგანი პროდუქტის ხუთიდან ოც პროცენტამდე მერყეობდეს. ამ გამოკვლევის მიხედვით ჰაერის ტემპერატურამ 21-ე საუკუნეში შესაძლოა 5 გრადუსით მოიმატოს, რაც არნახულ წყალდიდობას გამოიწვევს და 200 მილიონ ადამიანს საკუთარი საცხოვრებლის მიტოვებას აიძულებს
სათბურის ეფექტი და გლობალური დათბობა
ცოცხალ ორგანიზმთა სუნთქვისა და საწვავის წვის შედეგად ატმოსფეროში ნახშირორჟანგი გამოიყოფა. ნახშირორჟანგი, მეთანი, აზოტის ჟანგეულები, წყლის ორთქლი და ზოგიერთი სხვა გაზი ატმოსფეროში დაგროვებისას ისეთივე როლს თამაშობენ, რასაც სათბურში მინა: ისინი დაუბრკოლებლად ატარებენ სინათლის სხივებს, რომელთაც დედამიწა შთანთქავს, მაგრამ არ ატარებენ დედამიწის მიერ გამოსხივებულ სითბოს. ამ მოვლენას სათბურის ეფექტი უწოდეს.
მე-20 საუკუნეში საწვავის მოხმარება მკვეთრად გაიზარდა, რამაც ატმოსფეროში ნახშირორჟანგის შემცველობის მატება გამოიწვია. სათბურის ეფექტის გამო დედამიწის საშუალო წლიური ტემპერატურა 0,3-0,6 გრადუსით გაიზარდა და მოსალოდნელია მისი შემდგომი მატება. ეს მოვლენა გლობალური დათბობის სახელითაა ცნობილი.
გლობალური დათბობის შეჩერება მხოლოდ მწვანე მცენარეებს შეუძლიათ, რადგან ისინი შთანთქავენ ნახშირორჟანგს და გამოყოფენ ჟანგბადს. მიუხედავად ასეთი საჭიროებისა, ადამიანები ვერ აცნობიერებენ მოსალოდნელ საფრთხეს და კვლავ მიმდინარეობს ტყეების მასიური გაჩეხვა-განადგურება, რის შედეგადაც დედამიწამ ბოლო 30 წლის განმავლობაში თავისი ტყეების ნახევარი დაკარგა. ჩვენი პლანეტა ყოველწლიურად 12 მილიონ ჰექტარ ტყეს კარგავს, რაც თითქმის ინგლისის ფართობს უტოლდება.

გოლფსტრიმი მოკვდა, გველოდება თუ არა გამყინვარების პერიოდი?

დედამიწაზე სიცოცხლე ეს-ესაა შეიცვალა. გოლფსტრიმი მოკვდა... თანამგზავრის ბოლო მონაცემებით, გოლფსტრიმის თბილი დინება აღარ არსებობს.
ჩრდილოეთ ატლანტიკის დინებების მთელი სისტემა პლანეტის სითბური რეგულირებისთვის საკვანძო ელემენტს წარმოადგენს. ეს დინება მთელ მსოფლიოს ახალი გამყინვარების პერიოდისგან იცავდა. ამჟამად რიგ ადგილებში ცირკულაციის სისტემა მკვდარია და ის სხვა ნაწილებშიც კვდება.
გოლფსტრიმი - ეს არის "მდინარე" თბილი წყლით, რომელიც ატლანტიკის ოკეანის გავლით მურმანსკამდე აღწევდა და ევროპას ათბობდა, ამავდროულად დინება ევროპას პოლარული ქარისგანაც იცავს.
იტალიელმა ფიზიკოსებმა ექსპერიმენტის დროს ცივი წყლით სავსე აბაზანა გამოიყენეს და წყლის თბილ ხაზებს შეფერილობა მისცეს. შესაძლებელი იყო თბილი და ცივი წყლის ფენების გარჩევა. როცა აბაზანაში ზეთი დაამატეს, ცივ და თბილ ფენებს შორის ზღვარი წაიშალა და დინების სათავეც განადგურდა.
იგივე ხდება გოლფსტრიმის დინებასთან დაკავშირებით მექსიკის ყურესა და ატლანტიკის ოკეანეში. მდინარე "თბილი წყლით", რომელიც კარიბის აუზის ქვეყნებიდან მოდის, დასავლეთ ევროპამდე ვერ აღწევს. ის კვდება კორექსიტის გამო. Corexit-გამხსნელი, ძირითადად ნავთობის ლაქის გამხსნელად გამოიყენება. ეს არის ქიმიური ნივთიერება, რომლის გამოყენების უფლება ობამას ადმინისტრაციამ "BP"-ს მისცა. "ბრიტიშ პეტროლეუმ"-მა ეს ნივთიერება იმ ზიანის მასშტაბების დასაფარად გამოიყენა, რომელიც გასული წლის აპრილში "BP"-ს საბურღი პლატფორმის დაზიანებამ გამოიწვია.
გოლფსტრიმის დინების მდგომარეობის შესახებ პირველად იტალიელმა ფიზიკოსმა და თეორეტიკოსმა ჯანლუიჯი ზანგარიმ განაცხადა. ზანგარი ირწმუნება, რომ ნავთობის რაოდენობა გამუდმებით ფართოვდება და ისეთ დიდ ნაწილებს იკავებს, რომ ეს სერიოზულ გავლენას მოახდენს პლანეტის თერმორეგულაციის სისტემაზე.

პ ო რ ტ ა ლ ი